Zolai Zatdan Kibang Leh

Tedim kam a zang Zomite i tuam mahmahna-in Pu Pau Cin
Hau in ‘Zolai’ cih na mukhia a, ‘Lai’ cih kammal mahmah zong a
nei minam i hi hi. I kiim le pama minam pawlkhat in ‘Lai’ cih nei
loin Hindi pau a ‘likha’ cih panin a bawltawm uh ‘lehkha’ ci uh
hi. I pau zong i kiim la paamte’ pau a lakhawm maimai hi loin,
eimau’ aa ngiat a tuam neih i hi a, lakam leh kihona kam a tuamin
i nei lai hi. Hih in minam kician i hihzia hong phawksak hi.
Minam kician, pau leh lai kician a nei i hi ta zongin, tulai
hunin i lai leh i pau sanginn (college leh university) khawngah
khangthakte in a sin kei uh leh i theihloh kalin i pau leh i lai
mangthang thei ding hi. I pau leh i lai a man ni pen i minam a man
ni hi pah lian hi. Bang hang hiam cih leh, tu-in zong “Zomi ka hi
hi” i kicihna pen i Zopau zangin Zola sa-in Zo ngeina i zuih man
hi lel hi.
Mikangte in gam tuamtuamah hong khenzak khit hangin ei
Zosuante, lai leh pau-ah kithutuak peuh lehang i pau, i lai leh i
minam mangthang lo ding hi.
Pasian hehpihna tawh Manipur gamah ‘Paite Vernacular’
kici pen graduate level dongah sin theih a, Manipur kumpi tungah
lungdamhuai hi. Kawlgam sungah zong tunai diakin ‘Zolai’ pen
Primary School ciangah sin ding Kawlgam kumpi in phal a,
lungdamhuai sawnsawn hi.
Kawlgam a Zolai a zangte leh Manipur gama Paite literature
a zangte kihosiamin lai zatdan kibang neikhawm thei lai zen lehang
i lai, i pau, leh i minam pen lian tektek ding a, Kawlgam, Vaigam,
leh America dongah a teeng i mipihte in a innvengte’ pau pen a
inn sung khawngah zang hawihawi nawn lo ding uh hi.
Tua bang hi lo a, Chin State in Lai khat zang, Manipur ah a
omte in a tuam khat zang, Mizoram leh America ah Zomi 3000te
in a tuampi khat zang tek mawk lehang i lai a zang mihing kitawm
ding a, utin ut kei ta leng i ta i naute in i innvengte’ lai leh pau zui
ding a, i minam tawm semsem ding hi.
Editorial ..... 
2 Laitai April 2013
‘Zogam nuam’ ci-a i angtanpih mahmah Chin State
nangawnah ei sangin a mipumin a tawmzaw thamtham i sanggam
Khalkhate in amau’ aa tuam district a ngah thu leh Chin state a
pautang (common langguage) dingin ei sanga tawmzaw ‘Laizo’
pau zat ding a gen khawng uh ka zak ciangin, i sanggam
Khalkhate’ khuak a baan zo nai lo deuh mah hi i hiam, ka na cici
hi. I omna kumpi hong mai-et laitakin i lai leh i pau university
ciang beekah sin nading hanciam huai hi. A zekai ma-in.
Manipur a Paite Literature leh Kawlgam a Zomi Literature
Society in lai zatdan kibang neikhawm thei photphot lehang, ei
sangin a tamzaw Zomi sungah tawm mahmah a, i lai, i pau in
vaang neiin, i kiim le kianga minam tawmzawte nangawnin hong
zatpih lai ding hi.
‘Zolai in mainawt hen’ i cih takpi leh tu-a ZCLS ah i kipawlna
tungtawnin a tangzaizaw a nasep dan ding kivaihawm thei leh
hoih ding hi.
1. ZCLS ah worker kibehlap thei lai leh. Tu-a Executive Secretary
in a thu leh a vai teng vaan to suak hen la, Promotional
Secretary khat USA gama Zomi Innkuan in hong sponsor in, Lai
lam bekbek a sai ding Literature Secretary khat India gama ZBC
leh CBA in hong sponsor hen la, Tedim Lai Siangtho tu-a i neih
laitak tawh a kibang lo deuh Greek leh Hebru kammal a kimzawin
a omna Lai Siangtho khat i neih zawh nadingin ZCLS mah in
hong sai thei leh deihhuai hi.
Hih Lai Siangtho lehkhiatna tawh kisaiin ahih theih leh
pawlpi tuamtuam leh gam tuamtuama hih bang lama mi zattheih
dingte teelkhia-in semkhawmsak lehang phatuam dingin ka lamen
hi. I sanggam Mizote in zong amau pau a zang pawlpi tuamtuam
sunga mi 80 teelkhia-in Mizo khempeuh in a zat theih ding Lai
Siangtho a lehkhiat laitak uh ahi hi.
2. Zolai a khantoh nadingin Zomite in ei’ aituam vilvel in
gam ki-ukna tuam khat i neih kisam hi. Tua hi leh, kumpi budget
sungah i Zolai a khan nading kiguang thei pah ding a, ei’
vaihawmna huang sunga minam om teng in i lai hong sinin, i pau
hong zang pelmawh ding hi. Pasian in Israelte gam a piak nop
ciangin minamdangte’ gam suhsakin ‘Israel gam’ piang ziau hi.

GEN KHOLH NATE

-->

                                                    A LAMDANG GENKHOLH NATE

Tuni sangam te ih biak Topa hongpiak thupha hang tawh ama thu te kikum thei ding ih hih man in lungdam hang.Tuni ih kikup ding aa kongtel laisiangtho mun pen Daniel 7 sung a kicing thei pen leh a tom theipen ding in hong tel ingh.

Daniel 7:1-3 sung ki kup ding in hong tel ingh.Belshazzar,Babilon kumpi asuah zawh a kum masa kumin keimah Daniel in mangkhat ka man aa,zan in maang kamu hi.Ka mangmat lai-in kagelh aa,tua zan a ka maangmuh nate hi bang a hihi.Mun khempeuh panin huihpi hong nungin tuipi tung a semgawp hi.Tuaciang in tuipi sungpan in a kibang lo sapi gol li a hong pusuak to uh hi.Hih pen Daniel 7:1-3 sung teng hi,mang sung aa maangmuh na a hih manin laisiangtho in khiatzek kul ding in hong gen hi,tuipi cih ciang in ah mihonpi cih mangmuhna 17:15 na in hong gen hi,huihpi cih ciang in ah kisiatna,gal kido na ci-in zechriah 7;14 in hong gen hi,sapi cih ciang in ah leitung kumpi,kumpi gamte ci-in Daniel 7:17 in hong gen leuleuhi,tua a hih manin Daniel 7 : 4 sung amasa pen sapi tua tuisung pan aa hong pusuak khia akibanglo sapi 4 te lak ah amasa pen sapi pen in ah :

SAPI I

Daniel 7:4 humpi nelkai tawh ki bang aa, a hi zong in muvanlai kha tawh a ki bang kha a nei hi. Ka et laitak in a kha te gel hong ki botkhia hi.Tua ganhing leitung pan in ki domkaang to aa,mihing bang in a khe nih in kidding sak aa,mihing lungsim ama tung ah a kipia hi ci hi tua hunlaitak in babilon gam pen leitung ah ahau pen a lianpen in ki tuat aa,tua a hih man in Pasian in Daniel tung ah leitung ganhing te kumpi a kici humpi nelkai,van aa leng vasate kumpi a kici muvanlai kha nei tawh Topa’n na lak hi.Tua pen babilon kumpi a gen na a hihi.Bang zah tak in a lianpen, a hau pen a hat pen a hi phial ta zong in ah ama kumpi hih na zong kip tuan lo ding aa,a ma nung ah a mah hong zoding kumpi khat hong kah to ding hi cih limlah na in ah Pasian in ah Daniel tung ah a nih na sapi na lak leuleu hi.

SAPI II

Daniel 7:5 ,Tua ciang in a nih na sapi vompi tawh a kibang khat ka mu hi.A nunglam khe tawh ding-in,a ha tawh nakguh tum pet a,”na duh zah zah sa tampi ne in” cihna aw khat a hong ging hi cih hi.BC 538 kum October kha 13 ni in ah Medo leh Persia te kikop in babilon gam hong sim uh aa,hong zo in babilon gamteng hong lak ding uh Pasian in ah Daniel tung ah vompi tawh nana lak to hi.Tua hi”n ah babilon I leitung uk na pen BC 606-538 ciang,Daniel 2:32 sung aa kumpi Nebukhatnezar I mang sung aa milimpi I a luting kham tawh a nalah zong pen babilon mah a na genna a hihi.A Khiatna a kibang a hihi.Medo leh Persia kumpi a hi vompi in ah a kamsung ah nakguh 3 pet aa cise hi,tua pen Libya,Egypt,babilon tawh hong zawh toh ding teng Daniel tung ah vompi khat in akamsung ah nakguh 3 pet tawh Topa’n nana lak hi.Hih medo leh Persia te kumpi na zong hong kip tuan lo ding aa amah hong zo ding kumpi dang khat hong khangto ding hi cih limlah na in-ah Pasian in Daniel tung ah sapi thumna tawh nana lak leuleu hi.

SAPI III

Daniel 7:6 ,Ka et lai leh kamkei tawh a kibang sapi dang khat kamu hi.Anungzang ah vasakha tawh a ki bang kha li a nei hi.Tua sapi in lutang li nei aa,uk na aana a ma tung ah a kipia hi.Greek te galkap hang lianpi Alexender the great hong khang khia in ah BC 331 kum October kha ni khat ni in ah Abela War ah Medo leh Persia te hong zo in ah medo leh Persia te ukna gam khempeuh pen Greek te gam hong suak in ah Greek kumpi hong kahto a na hihi.Tua Greek kumpi ding aa a na lah kamkei in ah luting li nei aa Anungzang ah vasa kha bang in khali nei hi ci hi,sapi masa pen a hih leh bel muvanlai kha bang kha ci aa,hih sapi thum na tak ciang in vasa kha bang kha li nei cih ciang in ah Babilon kumpi zah in ah a vangliat loh hang in ah babilon kumpi sang in ah galsim lam ah hat zaw ding manlang zaw ding manlang mahmah ding cih lah na in ah kamkei leh vasa kha bang kha li a nei tawh Pasian in Daniel tung ah nana lak hi.Alah bang ngeingei inah Alexender pen gal sim hat mahmah galhang mahmah khat hi aa,kum nga sung in ah leitung bup hong sim in ah hong lazo ziau hi.A hi zongin ah a mah hong si baih aa,BC 323 kum june 13 ni in ah hong sih takciang in ah a ma I gam pen a general 4 te in ah she li suah a a hawm ding pen kamkei luting 4 nei tawh Pasian in Daniel tung a a na lak a hihi.Tua a general li te in ah kua teng hiam cih leh lysima in ah Asia minor teng hong ngah in ah,Selucus in ah Syria gamteng,Rotimi in Egypt gam teng, a cian laiteng pen casender in ngah aa,Greek gam ci-in ah hong hawm na ding uh pen kamkei bang aa lutang li nei tawh Pasian in ah Daniel tung ah a na lah na hihi.Bang zah tak in gal sim hat in gal a hang ta zong in ah hih Greek kumpi hih na zong kip tuan lo ding hi cih lahna in ah Pasian in sapi li na zong na lak leuleu hi.

SAPIIV

Daniel 7:7 ,Ka-et lai leh sapi lina ka mu hi.Tua sapi kihtak huai mahmah aa,lipkhaphuai in a thupi mahmah hi.Amah in a gol mahmah sik-ha a nei hi.A mah in nene-in a nek val teng a khe tawh a tuancil gawp hi.Sapi dang te tawh ki bang lo in a mah in ki sawm a nei hi ci hi.BC 168 kum tak ciang in ah Roman te in ah Greek gam hong sim aa hong zo uh hi tua a hi man in leitung khempeuh pen Rome te khut sung khut nuai hong tung hi.Tua ding pen sapi li na a kah to tawh Pasian in Daniel tung ah a na lah na hihi.Tua sapi pen kihtak huai mahmah in ah thupi mahmah hi ci hi,Rome kumpi pen leitung ah a tatsia penpen kumpi a hiamgam pen kumpi in ki ciamteh hi.Daniel 7:23 sung ah,tua sapi li na in leitung aa hong om ding kumpi gam lina hi ding hi.Leitung buppi tuanciil sukham in valtum ding hi ci hi.Khuamial hun sung aa kipan tuni ciang dong mah Rome te huzap na nuai ah leitung buppi a ki om a hihi.Daniel 7:24 sung ah,ki sawm te in tua kumpi gam pan a hong piang ding kumpi sawm te a hi uh hi ci hi.Pasian in Daniel tung ah a na lahna ah, sapi nga na a kahto nana lak nonlo aa tua mah bang in ah Rome kumpi pen kumpi dang khat in hong sim in ah a ma kumpi gam bei hi lo in ah tua sapi sapi dang te tawh ki bang lo in ah alutung ah ki sawm a nei hi a cih mah bang in Rome empire pen gamsawm in hong kitamkham in hong kikhen khap ding pen Pasian in kisawm a nei tawh a na lak hi.Daniel 7:24 sung ah,kisawm te in tua kumpi gampan aa a hongpiang ding kumpi sawmte a hi uh hi a cih a hang a hihi.Bang gam teng aa hong ki khenkhia uh hiam cih leh AD 351 kum tak cing in Germaney leh frence te in ah gamkhat tuak in ah tua kum in ah hong ding tuak uh hi.AD 406 kum tak ciang in ah Swichzaland leh Potugal te in ah zong gamkhat tuak mah in hong dingkhia uh hi.AD408 takciang in Spain hong ding leuleu a, AD449 tak ciang England zong hong ding khia in ah AD 476 kum tak ciang in ah Italy hong ding khia leuleu aa,AD493 tak ciang in ah Helori,AD538 tak ciang in Austrogot,AD543 tak ciang in Vandal tua bang in ah gamsawm in ah hong kitam kham ngeingai takpi uh hi.

Daniel 7:8 sung ah,Tua kite ka-et laitak in adang ki neu khat hong po aa,a omsa kit hum te a botkhia hi.Tua ki tung ah mihing mittang tawh a kibang mittang leh kam om aa,kiphatsak na kam tampi a pau hi.A om sa kineu khat bot khiaaa a cih pen Helori,Austrogot,Vandal tawh hi gam thum teng RCM ten a mau upna tawh a ki bat loh man in hong sumai mang uh aa gamkhat in hong ding in tua pen tuni in ah Vatican gam  kici nana hihi.A diak2 in tuiphumna,nekkhawm bawl na leh Sabbath tan na cih thute hipha diak hi.Tua a hih man in tuni in hih gamthum minte ih za non kei hi.Daniel 7:25 sung ah tua ki neu a hi gamthum nuaisiah aa gamkhat aa hong ding kumpi gam in ci,1.Sangpen Pasian langpan in thu gen ding hi ci hi Pasian bek in mawhna maisak thei hi leitung ah kaumah in mihingte mawhna maisak thei lo hi.Matthew 9:2 sung ah tuabang in na gen hi.Pope Nicolas 1 na in ah AD 858-867 kikal a nungta pope inah vantung leitung leinuai misite kiang nangawn ah thuneih theih na lim, thu neipa cih na a kidawk na ding in lukhu cialthum apha pope te khuk ding in ah hong bawl a hong khu uh hi.Pope anocence 3,AD 1198-1216 a nungta pa in tua cialthum nei lukhu pen min hong vawh aa,VICARIUSFILIIDEI ci-in ah,latin lai in at le’ng,tua laimal teng pen 666 a cing lian,akhiat na in ah Pasian tapa aiawh aa adingpa,Pasian tang aa adingpa ci-in ah tua lukhu tung ah min hongsuang hi.Tuasang in Pasian langdo zawk na a lian zaw koi ah om non ding a hi hiam?Pasian mite bawlsia in that hi ci,Roman biakna a zui nuam lote,amau tawh upna kibang lo peuh mah hong thah pah2 uh,mak nga val bang that uh hi ci’n ah pocket Bible handbook laimai 670 na ah limtak in nana ki ciamteh hi.Pasian thukham leh upna te khel hi ci,Pasian thukham sawm sung ah a nih na, milim bia ken,milim mai ah kunkei in a cih pen phiat in,AD 431 in ephet council ah milim biaktheih na ding kipsak na khensat na hong nei uh aa,tui phum na pen tui theh na tawh hong laih in,Pasian thukham Sabbath pen Sunday tawh hong laih uh aa,AD 321 march kha ni7 ni-in ah hong kipsak in hong zang khia uh aa,thu kham sawm lak ah a kua na pen tumnih suah in,Pasian thukham sawm pen tua bang in hong khel gawp uh hi.Ukna aana kum thum leh a lang sung ngah ding cih hi ,kum thum leh a lang pen ni tawh ih tuat tak the ni 1260 hi aa,Ezekiel 4:6 ah gen kholh nate tawh ki sai in ni khat tak the kum khat in tuat in ci a hih man in kum 1260 sung mang ding ,leitung uk ding cih na hi aa,Mangmuhna 14:6 sung ah 1260 sung ci’h,mamngmuhna 13:5 na ah kal sawmli leh kal nih ci hi,agen nop na a hun a ki bang vive hi aa,ni 1260 a cih pen kum 1260 sung ukna aana nei ding a cih naa hihi.AD 538 pan a mau tawh upna ki bang lo peuh mah hong gawl-at uh aa hong thah tohtoh uh pen kum 1260 a cin kum 1798 kum pope pius 6 na pa hun ciang dong a hihi. Tun’n sanggam aw hih tangthu ihsut na a hang in Pasian in Daniel tung ah ana lah bang ngeingei in ah ani a kha a kum,a hun a cin tak ciang in ah a mun a mual tawh a khong a khek in hong tangtung aa tua thu mah pen mangmupa John tung ah na lak in ah mai lam hun ah zong tuasapi te in ah aana hong nei kik ding aa hong lian kik ding hi ci’n ah mangmuhna a lian13 bup ah na gen aa a mau upna zuihpih in laisiang tho sung aa om kei lo Sunday ni khong Pasian a biate pen tua sapi ciapteh na a ngah hi aa,a mau ciapteh na a ngah lo mi peuhmah pen in ah nakpi tak in bawlsiat na a thuak ding aa, a hi zong in Pasian in tua misiang tho te kem ding hi cih mangmuhna a lian 13 in ah hong gen hi.Tua mangmuhna13 I hong gen na khempeuh zong pen khat zong pellem lo in ah, hong tangtung ding hita hi cih pen tuni eite masuan a hihi.Mangmuhna 11 sung aa leisung pan aa hong pusuak a cih sapi pen America hi aa gulpi bang in pau hi a cih mah bang in ah Vatican tawh hong kikop in ah Sunday ni nipi bek mah nipi aa neih ding thukham lianpi hong bawl ding uh aa, amauthu a zui nuamlo peuh2 pen kumpi langpang,leitung khantoh na a susia,kilemna ding a dal ci-in ah hong mawhsak in hong bawlsia ding uh hi.Ahi zong in ah Pasian tung ah a citak te Pasian in kem ding aa Pasian in tua bang aa a citak te tawh gualzawhna pawi bawlkhawm ding hi cih pen tunin ah ei masuan a hihi.

. 

                                                                                  tttuangsuante@gmail.com

                                                                                        or

                                                                                 isacctuang@gmail.com

Zo Khang pan sim khang (8) na sia "Pu Thuan Tak" ahi hi.
8. Thuan Tak (Na tapa luk nei)
9. Nge Ngu, Nei Lut, Hin Nung, Nun Zong, Dai Tawng le Vang Lok

I. 9. Nge Ngu (Thatmun bawng)
10. Lam Tam
11. Bat Kai le Nei Zal
12. That Langh - That Mun
13. Tung Song
14. Nuam Thuam, Suan Kai, Han Lun, To Phut, Thuan Thang
14. (Limkhai-Thatmun) Bawng / Beh te ki ci hi.

II. 9. Nei Lut (Suante bawng)
10. Ngen Zo
11. Khup Mu, Suan te
12. Suan Kai
13. Lua Langh suan teng (Limkhai-Suante) bawng / beh ki ci hi.

III. 9. Hin Nung (Haunam bawng)
10. Hin Zong
11. Hau Nam
12. Hang Dawl
13. Suan  Lam, Beal Ngiak, Sawn Tun (Limkhai-Haunam) bawng / beh ki ci hi.

IV. 9. Nun Zong (Hatzaw bawng) Zo khang pan sim khang 17
17. Lun Mang suan teng (Limkhai-Hatzaw) khang 24
24. Vum Dongh, Thuan Hong, Son Hong, (Limkhai-Hatzaw) Bawng / beh ki ci hi.

V. 9. Vang Lok (Limkhai Bawng)
10. Thuk Lai, Hang Sawk, Limkhai
10. Limkhai (na ta thum nei)
11. Ngo Thua, Ngui Suang, Seal Mang
11. (Limkhai-Nguisuang) bawng / beh te ki ci hi.

11. Seal Mang (na ta thum nei hi)
12. Mang Tawn, Zeal Vum le Vung Thuam
12. Mang Tawn (Seal Mang tuu Mangtawn) bawng / beh ki ci hi.
12. Zeal Vum (Seal Mang tuu Zealvum) bawng / beh ki ci hi.
12.Vung Thuam (Seal Mang tuu Vung thuam) bawng / beh ki ci hi.

@ Nguite (Hauzeal bawng)
     Pu Tuah Ciang khang, Hau Zeal suan Vialving bawng Pu Do Lo khan hun sung Pu tawng Hen te nuta hun in Thuantak, Limkhai khua hong zuan hi.
     Zo Khang pan simh khang (8) na ah,
8. Seak Tak suan pan, khang 13 ah
13. Hau Zeal
14. Pu Tawng Hen (Thuantak - Sizaang mi suak)
14. (Limkhai-Hauzeal) bawng / beh ki ci hi.

@ Tombing (Vungthuam bawng)
     Zo khang pan simh khang 6 na ah,
6. Tom Bing suan pan, khang 12 ah
12. Kam On (Sakhiling khua pan) Pu Lam Mang (vungthuam) taw ki thua khawm hi.
12. (Limkhai-Vungthuam) bawng / beh ki ci hi.

@ Phunnim (Sumh Thang tuu / Ngui Suang & Vung Thuam bawng)
Pu Hrang Thuan, Pu Suan Thang le Pu Khuang Zom
(Pu Khuang Zom suan teng Ngothua - Nguisuang te taw beh / bawng khat in om uh hi.

@ Pu Ngaih To (Mangtawn bawng)
6. Mun Zo
18. Suang Do, Kim Nawn le Thang Niang
19. Thang Za Ngin, Thian Cin Mang, Thawng Nang le Thian Za Dal
19. (Seal Mang tuu Mangtawn) bawng / beh ki ci hi.

@ Luktai (Mangtawn bawng)
     Kim Hang, Shwe Kuan, Thuai Kio (Htwe Kyaw), Lun Thang le Kham Son (Mangtawn beh / bawng sungah om hi.)

Ref: Christian Centenary Jubilee Magazine

PAUNAK A THUPIT NA;

Paunak- 1;4-6 ah thu thei nai lo ten a theih na ding khangno te'n pilna leh thu ngaihsut theihna angah nading miciim sate ciimsak semsem in, mipil sate pilsak semsem a, paunak te leh thu gen teh na te thei-in mipil te 'kampau' thugen te atheih na ding uh ahihi. Jew ten lampi ah Kham, Suai, Gold leh laibu na muh leh laibu tawm masa in ci-hi. Paunak pen mi nam kim nei ahihi. Tua ahih man in paunak kammal hoih tawh ki sai-in thu [55] tawh tha ki pia nuam hangh.

[1].Paak te a ki batloh hangin hoih in nam tui ki sa tek hi.

[2]. Lingpaak na lawh nop leh a lingsut ding lau kei-in.

[3]. Nahtaang nanek nop leh a hawng kheh kul buang hi.

[4]. A maitaai te maan [photo] sung khempeuh ah hoih suah den hi.

[5]. Hazat na lungsim neih na pen a lau huai pen ahihi.

[6]. Khua nakmial si na cih leh khuavak ding nai mah mah hi zaw hi.

[7]. Nak gentheih sing na cih leh nopsak ding hong nai mah mah ta cih na hi zaw hi.

[8]. Nuntak na pen kawltu tawn khat tawh ki bang a, ne leng khum in pehhak laitak-in ataang ki tuak kha-in pehhak a, atui tawm in a om sun teng kha lai lai hi.

[9]. Ni khat khatvei laisim inla, sawm vei gualnuam in nui-in.

[10]. Mi khat khelhna mi khat pilna ahihi.

[11]. Na hoih leh nang ading, na siat leh nang ading ahihi.

[12]. Khial ing ci-a, ki khelna lungsim anei te pasal lungsim ahihi.

[13]. Mi pen asilh a ten tawh pi-et neu et pah kei-in.

[14]. Ni khat nai [8] lum te kum [60] aphak teh a lup sung kum [20] pha hi a,nai [6] lum te kum [15] sung alum suak hi.

[15]. Gual zawh na nangah nop leh hih ngam sem ngam in.

[16]. A ki neih thei na lawm pen gal te sang-in lau huai zaw hi.

[17]. Hehpih na kam zong khelhna hi thei hi.

[18]. Tui pen khal pak vet lo a, tui khal pen tui suak ding baih pak lo hi.

[19]. Mihing te pen ih suah phet-in sihna ding lampi atawn i hihi.

[20]. Pasian na up leh na nu' leh na pa' tung lungdam akoko na hihi.

[21]. Tawm tawm pau in la, tampipi ciamteh in.

[22]. Humpi a gilkial hangin lopa ne lo hi.

[23]. Humpi nelkaai-in sa man khol lo-in a lawm te matsa ne hi.

[24]. Humpi alau hangin mi muhna ah taai lo hi.

[25]. Humpi-in bawngpi khat amat hangin lopa ne bilpi; lau lo hi.

[26]. Sahang in zong agial zahtaak hi.

[27]. Sahang si leh aguh cian-in om lai hi.

[28]. Sai si leh ahaa, cian lai hi.

[29]. Mihing si leh atangthu cian lai ding hi.

[30]. Ganhing ten aneu zaw te dawm in agol zaw te zahtaak bawl hi.

[31]. Ui -in ih zawn hangin hong nusia lo a, zawhngeu in zawng leng hong nusia lel hi.

[32]. Numei hoih te kam tampau lo te hi.

[33]. Tu a tuikhuk to-in tui siangtho dawn nuam pah ding maw'.

[34]. Gunei, kinei, hanei khempeuh lau huai khin lo a, hong bawlsia nuam te a kihtak huai hi zaw hi.

[35]. Lai tawh mei am' a ki tun theihloh mah bangin siatna bang mah tawh ki seel thei lo hi.

[36]. Kahna ding te ah kapin la, nuihna dingte ah nui in.

[37]. Buhum tamleh an kine thei lo a, kamtam lua ki ngai zo lo hi.

[38]. Nisim lamsiau den te siavuan te tawh ki gamla hi. [Walking everyday keeps the docter away].

[39]. Kiphatsak na leh thadah thuah leng ki khangto vet lo hi. [There is noplace like home].

[40]. Singkung saangin gol semsem huih in nak nawk semsem hi.

[41]. Ci-dam na-in hauhna sangin thupi zaw pek hi.

[42]. Thumaan na it in la, khelhna te zong maisak in.

[43]. Thuak zawhloh ding ciang na thuakzawh leh thuakzawh na thaman na ngah ding hi.

[44]. Ki sek na-in khantoh nading ah akisam thu ahi hi.

[45]. Sinphot na om kei leh theihna om thei lo hi.

[46]. Pasian in leitungah apiansak nai loh bek om a, apiansak theihloh om lo hi.

[47]. Gul apai ciangin akiim, apaam sukha se lo hi.

[48]. Aklui-in maitang zahtak tuam nei lo-in ahun maan in khuang lel hi.

[49]. Vaphual pi-in ata akeuh dongin abusung ah ngak den hi.

[50]. A pa' an azonkal in abu natuvang leh a pa' in tulum ci-hi. Khat zawzaw asih ciangin asan na ah lengto-in kikiasuk saka, anih un sikhawm uhhi ki ci hi.

[51]. Tua hangin ki sihpih ngam ci-in Zomi te Vaphual liim tawh ih ki ciamteh hi.

[52]. Muvanlai-in singsang pi tungah abutom in abusung ah ling, lungme, khaugui athak te koih hi. A ta akeuh ciangin thak sa-in akha zapzap a, aling in sun in ki tomtom leh athahat ding acihna ahi hi.

[53]. A tate len kisin sak-in vantung lam pua to a, asang munpan khiasuk in leilak a tukma in mankik zel in tuabang dan in atate sek hi. A ta abusung ah aom lai-in khat in an zongin khat akiim ah atate cing' in leng den hi.

[54]. Sum in na khempeuh ki cing' sak hi. [Money makes everythings].

[55]. A hih hangin sum in siatna khempeuh a zungpi [Root] ahi hi. [Money is the root of all evils].


-Hih paunak kammal hoih thulu nam [55] tawh a ki hanthawn ih hi ding a, mailam ah zomi te in nuntak pih in ih zuih zawh tek nang in Zeisuh khazih min tawh ka zomi pih te tungah tha kong pia hi. Pasian in ih omna ciat ah thupha tawh hong din kik ta hen.......A men........ect,

 EI TANGVAL TE THEIH HUAI THU [10] TE;

 

 

    Pasian in mihing hongbawl cil a ki pan zi nei thei ding leh pasal nei thei ding, suan leh khak nei ding cih a ma deih na ahihi. A diak in ei Tangval te-in ih theih ding a ki lawm mah mah thu nam [10] tawh hong hanthawn leh tha hong pia nuam ingh. Tangval khat leh khat zong ki bang lo a hih man-in ih khangno tangval lai mah-in om dan gamtat dan ding ki dop ki kep a kul thu ahihi. Pa suah ding pen hamsa lo a, a hi zongin pa cingtaak hih ding pen hamsa mah mah a hih man-in na tangval mah in ki puah ki kem in la, omdan gamtat dan hoihtak in ki kem in. Ei tangval te-in ih hoih na dingin hih thu nam [10] te en suk dih ni.......

 

Nungak te hong pahtak ding na ut leh hih a nuai a te theih sawm in;

 

[1]. Nungak te tawh na ki kholh ciangin a ki sap veva kei buang leh khoih supsup neh supsup sedah in la, Khut thak pa' hong ci ding uh a, Opportunity ki khak tan thei hi.

 

[2]. Nu mei te zahtak bawl in amah a kin bawl leh a thusim te numei te'n paak ta mah mah uhhi. Hoih tak-in hopih sawm in.

 

[3]. A tangsap na te ah na hih theih zah in huh in. Hongsap leh zong a hunlap-in tun sawm in nang hongmuang mah mah dinghi.

 

[4]. A mah hoih na sak nu tawh na ki tuak ciangin nuihmai hiu hiau den in na mel siatna teng veng dinga, na taangsiat te zong hong mu-lo tuam dinghi.

 

[5]. A mah tawh na ki kholh leh zong nuam nasak thu te mailam ah zong ki muh kik ding na ut zia te genpih zel in. Tua ni nangsang na ngaklah zaw dinghi.

 

[6]. Sangkah lai na hih leh pil sawm in nasep nei na hih leh ci tak in zulh tat ken. A ciim a tei a ci-tak te numei te'n paak ta uhhi. A hih hangin ki phat vet kei-in.

 

[7]. Sam sau zial zual cih khawng bil bah peuh bulh liapluap cih peuh tatoo om nei nai cih khawng numei te'n en thei lo uhhi.

 

[8]. Na neih sunsun silh leh ten siangtho sak sitset in la, sam hiat zil zial kawm in om peuh le cin na mel a hoih luat loh hangin na mat kah veve dinghi.

 

[9]. Na ki mai ngap khit ciang zong a khut let ding, kawi dingleh nap [kiss] ding cih te na ngawn a khuan ngen zel in, hong muang mah mah ding hi.

 

[10]. Na ki kholh sim in ciamnuih cih khawng thu tuam tuam khawng gengen nui saksak le cin a lung uh nuam sa mah mah ding uh a, hong cimtaak vet lo ding hi.

 

 

   Tua a hih man-in ei tangval te-in Nungak tawh ki zopdan, omdan, khawldan, siamna dingin hih thulu nam [10] tawh ki han thawn sawn hi ni......

 

   A telsiam ding leh a zui siam dingin top'n thupha hong pia ciat ta hen..............

 

 

 

   Deihsak na lianpi tawh hong hawm sawn,

 

   jobkhupsang

 

   Dumas,Tx, U S A

CSS menu bar na bawl nop leh hih a nuai ah na mek ve maw

HIAH NA MEK VE>>>

Nuntakna, Kepsiamna leh Etna (Keep Life in Perspective)

1. CIDAM NADING;

[1]. Ni sim in tuisiangtho dawn den in tam pi pi.....
[2]. Zing an tam pi pi ne-in nitak an tawm nek in.
[3]. Singgah thei puam leh mehteh mehgah lam tam nek zaw in.
[4]. Tha neih na, tha piak na,tha lawp na cih tha thum tawh nung ta ding [3 E'S Enery, En thusiasm, Empathy].
[5]. Pasian thu thuk ngaihsut na [Meditation] pumpi suak ta-in kha tawh nuntak theih na ding leh thunget na ding.
[6]. Ki mawl na tuam tuam ki mawl ding.
[7]. Laibu tampi sim kawi kawi ding.
[8]. Ni khat in a tawm pen minit [10] dai dide sa-in thu ngaihsut na-in zangh in.
[9]. Ni sim pong maan nai [7] ta ihmu ding hi.
[10]. Ni sim pongmaan minit [10]pan minit [30] ciang bang maitai sa-in lam siau den ding hi.

2. PUMPI LEH MEL PUAKZIA;

[11]. Na nuntak zia midang te tawh ki teh kak kak se dah in.A mau kalsuan zia bangci geel uh cih na thei kei hi.
[12]. A hi thei nawn lo thu te siat ngaihsut lak den nawn ken a pha lam bek-in la zaw-in.
[13]. Na sep uang lua ken, na hih zawh tan ciang bek thei in sem in.
[14]. Nang leh nang hi ki sa kei-in mi kim in zong hi ki sa khin ciat khol lo uhhi.
[15]. Thu cin thu tang gen na tawh na hun tha tang mawk bei sak kei zaw-in.
[16]. Na ihmut loh sungin na lunggulh thu te geel geel sa-in nei den in.
[17]. Mi en na-in hun bei sak lel hi. Na ki sap teng mah a nei khin hi lel hi teh.
[18]. A bei sa hun thu buai leh thu piang te mangngilh lel in na pasal/zi in a bei sa hun in a hih khelh a bawl khelh nate pulaak kik kik nawn kei in. Na pulaak den leh tua in tu mah mah in zong hong lung nuam sak lo ding hi.
[19]. Mi khat peuh muhdah et sat na tawh tomkaal sung zangh kei-in mi mudah se kei-in.
[20]. A bei sa hun te lungnop ngaihsut le cin tu ni-in zong na lungsim hong buai sak om nawn lo ding hi.
[21]. Na nop sak na ding nang tung bek ah ki nga hi.
[22]. Nuntak na-in sangkah tawh ki bang hi.
[23]. Mai tai-in nui lua lua zel zel in.
[24]. Mi tawh ki sel na peuh ah tungtuan gual zawh nop kiim dingin ngaihsut na ki bat loh nate ah san siam theih ding hi zaw hi.

3. USUNG LEH NAUSUNGAH [Society]

[25]. Na innkuan pih te tawh ki zom kin ken den in.
[26]. Ni sim in thupha khat peuh peuh midang te tungah bawl den in.
[27]. Mi te mawh na peuh mah mai sak zawh sawm den in.
[28]. Kum [70] tung siah leh kum [6] nuai siah te tawh ki tam kholh zaw in.
[29]. Ni sim in a tawm pen mi [3] ta bang nui sak zo den in.
[30]. Mi te'n nang hong bang ci muh cih pen awl mawh se dah in.
[31]. Na dam loh ciangin na sep in hong awl mawh zaw lo-in na lawm te tanu te-in hong lung hih mawh zaw uhhi.

4. NUNTAK NA [Life]

[32]. A dik a pha na te bek sem in.
[33]. Ki man na nei lo hoih meel nei lo leh deih huai lo na te pai khia zaw in.
[34]. Pasian in bang kiim ah hongdam sak den hi.
[35]. Bangzah ta-in tuah sia in tuah pha hi ta leng hong ki khel hun tung dinghi.
[36]. Nop mawh na sak hangin na hoih sep ding a hih nak leh ki thawi-in na puan silh in laa, mapang tei tei zaw-in.
[37]. Nang ading a hoih pen pen hong piang lai ding hi,cih thei-in.
[38]. Zingsang na khan lawh ciangin Topa tung lungdam ko den in.
[39]. Nang ma sung tawngah lung nop na om den hi; Lung muang lel in.

Hih thulu [39] tawh tha la sawn tek ni ei. Hih pen ZOLUS laibu sungah S/M Cing Khan Lun gelh pan kong hop sawn a hihi.

Deih sak na lianpi tawh.
Job Khupsang
Dumas, TX, USA